Aqlli Shaxarda EDU-JOB Loyihasi: O‘zbekiston va Turkiya yoshlar ta’limi hamkorligida yangi bosqich
Sana: 2025-yil 11-aprel
Manzil: Toshkent, O‘zbekiston
Bugun O‘zbekiston Ekonomi Meclisi (Assambleya) va Turkiyaning Hakkı Öztürk Eğitim ve Danışmanlık Firması o‘rtasida EDU-JOB loyihasi doirasida o‘zaro anglashuv Memorandumi imzolandi.
Mazkur hujjat, O‘zbekistondagi yoshlarning kasbiy malakasini oshirish, ularga xalqaro standartlarga mos ta’lim dasturlarini taklif qilish, va ularni ishga joylashtirishni qo‘llab-quvvatlash maqsadida imzolandi.
Ushbu tashabbus doirasida:
- Turkiyalik mutaxassislar ishtirokida o‘quv kurslari, seminarlar va sertifikatlash dasturlari o‘tkaziladi,
- Mahalliy yoshlar uchun kasb-hunar yo‘nalishida o‘quv modullari ishlab chiqiladi,
- O‘zbekiston va Turkiya o‘rtasida kasbiy malaka tan olinishiga oid muvofiqlik choralari ko‘riladi.
Bu memorandum, ikki davlat o‘rtasida yoshlarga oid hamkorlikni mustahkamlash yo‘lidagi muhim qadamlardan biridir.
