O‘zbekiston Iqtisodiyot Assambleyasi va Turkiyaning Canbulat Teknik Hırdavat kompaniyasi o‘rtasida hamkorlik memorandumi imzolandi
2025-yil 19-may kuni Toshkent shahrida O‘zbekiston Iqtisodiyot Assambleyasi va Turkiyaning sanoat hırdavat sohasida yetakchi kompaniyalaridan biri bo‘lgan Canbulat Teknik Hırdavat o‘rtasida strategik hamkorlikka doir memorandum imzolandi.
Ushbu memorandum ikki tomonlama sanoat aloqalarini mustahkamlash, O‘zbekistonda yuqori sifatli sanoat hırdavat mahsulotlarini ishlab chiqarish va tarqatish imkoniyatlarini kengaytirishga qaratilgan.
Hamkorlik doirasida O‘zbekistonda ishlab chiqarish va tarqatish bo‘yicha zavodlar qurilishi, texnik ekspertiza almashinuvi, mahsulotlarni mahalliy va mintaqaviy bozorlarga eksport qilish bo‘yicha qo‘shma faoliyat rejalashtirilgan.
Tomonlar memorandum asosida ikki yil davomida hamkorlik qilishga kelishib oldilar. Imzolash marosimida O‘zbekiston Iqtisodiyot Assambleyasi raisi Muxtor Umarov va Canbulat Teknik Hırdavat kompaniyasi vakili Doğukan Canbulat ishtirok etdilar.
