Smart City loyihasiga qiziqish ortmoqda
O‘zbekistonning yirik tashabbuslaridan biri — “Central Asia Smart City” mega-loyihasi doirasida har kuni yangi texnologik hamkorlar va investorlar e’tiborini tortmoqda. Navbatdagi muhim hujjat — O‘zbekiston Iqtisodiyot Assambleyasi raisi Muxtor Umarov va OOO NEXT GENERATION BUILDINGS kompaniyasi ta’sischisi Hurshid Turdialiyev tomonidan imzolangan hamkorlik memorandumi bo‘ldi.
Memorandum doirasida tomonlar zamonaviy qurilish texnologiyalari, yashil energiya, ekologik barqarorlik va raqamli boshqaruv tizimlari asosida O‘zbekistonda ilg‘or shaharsozlik amaliyotlarini joriy etishni maqsad qilgan. Loyiha nafaqat mahalliy, balki xalqaro investorlar va texnologik hamkorlar uchun keng imkoniyatlar yaratadi.
---
